Luar na Lubre presentará este mércores na Coruña, cidade na que se fundou a banda en 1986, o seu traballo número 21 baixo o título ‘Lubre – 40 aniversario’.

Tras catro décadas de traxectoria profesional, 20 álbums e máis de 2.500 concertos, o grupo estrea novo formato discográfico, que inclúe 13 temas inéditos e unha trintena de colaboracións.

A presentación terá lugar no espazo cultural Protas Ártabras, a partir das 20.00 horas deste mércores, e participarán varios membros da banda acompañados das filóloga Dores González, do antropólogo Lois Ladra e do escritor, historiador e arqueólogo Felipe-Senén López.

‘Lubre – 40 aniversario’ faise público da man da editorial Baía Edicións e en plena celebración dos 40 anos de traxectoria da banda.