Un home ingresou en prisión como presunto autor dun delito de homicidio en grao de tentativa tras apuñalar outro home no municipio coruñés de Cambre. Segundo confirmaron fontes da Garda Civil, os feitos producíronse na vía pública durante a madrugada do sábado ao domingo, no barrio do Amorne.

A Garda Civil procedeu á detención do presunto autor da agresión, mentres que a vítima tivo que ser trasladada ao Complexo Hospitalario Universitario da Coruña (CHUAC) debido ás feridas sufridas no apuñalamento. Tras pasar a disposición xudicial, a autoridade competente decretou o ingreso en prisión do detido como investigado por un delito de homicidio en grao de tentativa.