O Ministerio de Cultura entregou ao Museo de Belas Artes da Coruña — de titularidade estatal e xestión transferida á Xunta de Galicia — unha táboa flamenga do século XVI da Virxe co Neno, Santa Ana e San Xosé, recuperada do tráfico ilícito.
A directora xeral de Patrimonio Cultural e Belas Artes, Ángeles Albert de León, presentou a obra xunto co director xeral de Cultura da Xunta de Galicia, Anxo Lorenzo, nun acto celebrado este mércores no museo. Tamén asistiu o director xeral de Patrimonio Cultural, Ángel Miramontes. A peza foi recuperada na Operación “Altarpiece”, desenvolvida conxuntamente polo Ministerio de Cultura, a Garda Civil e os Carabinieri italianos.
Os bens, entre os que se atopaban táboas renacentistas ou creacións atribuídas a Amadeo Modigliani ou Brueghel, procedían dunha vila situada en Marbella (Málaga). As pezas foron exportadas ilegalmente a Italia sen os permisos necesarios, algúns deles xa denegados con anterioridade, polo valor que tiñan para o patrimonio histórico español.
A colaboración entre as institucións de ambos os países permitiu localizar os bens en galerías de arte e domicilios particulares de diversas cidades italianas, e seguir a pista doutros xa vendidos e exportados desde Italia a outros países. Nestes casos, desde o momento en que son exportados ilegalmente, pasan a formar parte do patrimonio cultural do Estado, polo que o Ministerio de Cultura llos asignou a museos estatais.
No acto, o director xeral de Cultura agradeceu a decisión do Estado de “incorporar esta peza ao patrimonio custodiado en Galicia, e polo tanto, de enriquecer a colección permanente desta institución, contribuíndo así ao seu prestixio”.
ón, constribuyendo, así, ao seu prestixio”.
