A alcaldesa da Coruña, a socialista Inés Rei, culpou ao PP e ao seu presidente, Alberto Núñez Feijóo, de que “as mensaxes da ultradereita estean a calar” e de que esta formación “campe ás súas anchas” en gobernos autonómicos. Así se manifestou, a preguntas dos xornalistas, pola presenza do presidente de Vox, Santiago Abascal, nun acto na praza de María Pita, fronte ao consistorio coruñés.

“Esta cidade foi sempre un bastión antifascista e un muro para os que veñen recortar conquistas sociais”, indicou a rexedora, para quen foi o PP quen lle deu “categoría a un partido fascista”. “É o PP o que está disposto a negociar e a presentarse conxuntamente no Senado”, indicou para incidir, por outra banda, en que “Feijòo fai moito vangloriábase de que en Galicia non existía a ultradereita e agora grazas ao PP campa ás súas anchas en gobernos autonómicos”.

Mentres, subliñou que está “en mans” do electorado que isto non sexa así. “Xogámonos os dereitos fundamentais“, aseverou para asegurar que buscan aplicar en España “o recorte a motosierra de Milei, ao que hai pouco abrazaban”.

“Feijóo só construíu 40 vivendas públicas na cidade sendo presidente da Xunta”