Este domingo 23 de abril, o Teatro Colón celebrou a gala da final do VI Concurso Quero Cantar nas categorías infantil e xuvenil. 6 formacións de toda a provincia actuaron no evento artellado pola Deputación da Coruña, e conducida pola actriz e contadora, Soledad Felloza. Un certame que pretende difundir o uso da lingua galega e a creatividade poética e musical entre o público máis novo.
Como artistas convidadas, e mentres os xurados deliberaban, actuaron a banda Bonhomía e a solista Noelia Perpetuo, gañadoras da anterior edición. Pero as grandes protagonistas foron as rapaces e rapaces que chegaron a final.
Categoría infantil
“O Ritmo dos soños”, formación que nace dentro do coro do CEIP de Caión con alumnado de 2º, 3º, 5º e 6º de primaira, máis o profesor de música do centro, levou o primeiro premio. O grupo leva 1.500€ en produtos culturais galegos, e poderá gravar unha maquina en estudio eu un videoclip.
Por detás quedaron “Os Termais”, un grupo dun colexio de Cortegada, na comarca do Ribeiro; e os “Guitarristas de Barouta”, grupo de guitarra do CEIP Barouta (Ames).
Categoría xuvenil
Na categoría xuvenil, o primeiro premio foi para “Temos Terras”, dúo santiagués formado por Alejandra Saavedra (guitarra e voz), de Teo, e Lucas Arango (piano e voz).
O segundo premio foi para Raquel Barreiro, unha moza de 16 anos do concello de Ames que escribe as súas propias cancións. E o terceiro para “Euterpe”, formación na que participa alumnado de todos os niveis educativos do IES do Milladoiro (Ames) e que coordina o profesor de música Manolo Maseda.
View this post on Instagram
