A Feira do Libro da Coruña abrirá as súas portas este martes 1 de agosto, ás 12.30 horas, co pregón da poeta Doures Tembrás.
Durante dez días, máis dun centenar de autores, sete editoriais e máis dunha vintena de librarías participarán neste evento, que contará con 32 casetas e dúas carpas para actividades.
Segundo informa a Federación de Librarías de Galicia, a edición número 52 da Feira do Libro da Coruña “amplía as actividades e propostas de anos anteriores”.
Este encontro combinará firmas de libros, presentacións, mesas redondas e actividades para toda a familia en horario de 11.00 a 14.00 horas e de 17.30 a 21.30.
