Este martes habilitarase a venda de 600 novas entradas para o concerto de Rubén Blades & Roberto Delgado Big Band, previsto para o vindeiro luns 28 de agosto, no auditorio do parque de Santa Margarita, na Coruña.

A cita, que pertence ao ciclo Coruña Sounds, tivo que ser atrasada o pasado 20 de xullo como consecuencia de problemas de saúde do artista panameño. Tras a tramitación das devolucións de entradas polo cambio de localización do concerto, o Concello puxo esta tarde, ás 14.00 horas, os últimos 600 billetes.

Será, destaca, para “poder ver a un dos referentes da música latina, que actuará xunto a unha banda composta por 20 músicos“. As entradas estarán dispoñibles en Ataquilla e no despacho de billetes da praza de Ourense.