InicioBARRIOSA Festa da Fresa toma o barrio de Eirís

A Festa da Fresa toma o barrio de Eirís

Publicada o

Por editor

Este martes 22 tócalle a Eirís manter o ritmo festexeiro de agosto. Faino coa tradicional Festa da Fresa, que contará cunha ampla programación desde as 11.30 horas, da man da asociación veciñal Uxío Carré e o Concello.

A xornada contará con actividades para todos os públicos, baile e música tradicional e verbena, ademais da tradicional degustación de fresas. Pola mañá, ás 11.30 horas haberá inchables para o público infantil no parque de Eirís. Ás 11.30 horas actuará o grupo de música tradicional Gaiteiriños, tamén no parque. Ás 12.30 hora será a festa da escuma e ás 13.00 horas comezará a sesión vermú, a cargo de Aixa Romay. Para pechar a programación matutina haberá un paseo guiado pola eco-horta municipal de Eirís baixo o título ‘Leira das freces’.

Pola tarde, ás 16.30 horas, volverá a haber inchables. Ás 17.00 horas actuará o grupo de baile tradicional de Donaire, na cúpula de Eirís, onde se desenvolverán a maioría de actos da tarde. Ás 18.00 horas, dentro do programa Cascarillarte, actuará Lore Lavand para o público infantil.

Ás 18.30 horas está prevista a apertura da exposición das fresas, mentres que ás 19.00 hora será a degustación de fresas. Ao mesmo tempo, no parque, haberá un concurso de toques de balón de fútbol. Ás 19.30 horas está prevista outra sesión de Cascarillarte, nesta ocasión de A Vela Circo.

A festa pecharase a partir das 20.30 horas coa actuación da Trova Coruñesa. Ás 21.30 horas será a quenda de Culimaia e haberá verbena a partir das 23.00 horas a cargo da Orquestra New York.

ÚLTIMAS

Inés Rey: “A remodelación dos cantóns integrará ao porto na cidade”

A alcaldesa da Coruña, Inés Rei, manifestou que a remodelación dos Cantóns "abre a...

A alcaldesa de Cambre explica a súa dimisión polo “boicot de PP, PSOE e BNG”

"Os 11 concelleiros de PP, PSOE e BNG de Cambre estamos a boicotear o...

Comeza a funcionar a sociedade xestora da Cidade das TIC na Coruña

A sociedade xestora da Cidade das TIC comezou a funcionar ao constituírse este xoves...

Mobilización da CIG diante do Servizo Público de Emprego na Coruña en demanda de máis persoal

Representantes de CIG-Administración Pública concentráronse este xoves ante a dirección provincial do Servizo Público...

DEIXAR UN COMENTARIO

Please enter your comment!
Please enter your name here