Tres persoas foron interceptadas cando utilizaban dispositivos de vídeo durante a celebración das probas teóricas para a obtención do permiso de conducir que se realizaban nas instalacións da Xefatura Provincial de Tráfico da Coruña.

Nun comunicado, o instituto armado explica que os feitos sucederon cando efectivos do Grupo de Investigación e Análise de Tráfico do Sector de Tráfico de Galicia (GIAT) realizaban as pertinentes comprobacións para detectar a comisión de posibles infraccións administrativas ou penais durante a realización destes exames.

No transcurso das probas, a Garda Civil localizou a tres homes que portaban escondidos entre a súa vestimenta dispositivos de vídeo de tamaño reducido. A Garda Civil procedeu á confección dos pertinentes boletíns de denuncia por presunta infracción ao artigo 77 da Lei de seguridade viaria, que leva unha contía de 500 euros e a prohibición de presentarse novamente ás probas no prazo de 6 meses.