O portavoz do grupo municipal do PP no Concello da Coruña, Miguel Lorenzo, reclamou aos socialistas unha “folla de ruta” á fronte do goberno local tras cen días de mandato “improvisando”. Lorenzo calificou este primeiro treito da lexislatura da alcaldesa Inés Rey como “non presentada”.
Fíxoo nunha rolda de prensa para facer balance dos cen primeiros días. Desta etapa, recriminou que se estea cun orzamento “non só prorrogado, senón que non se está executando”.
Con todo, de cara ás contas de 2024, dixo que o PP está “aberto ao diálogo”. “Pero este goberno non quere escoitar”, engadiu tendo en conta que s negociacións que o PSOE e o BNG iniciarán o xoves.
“Necesítase unha folla de ruta e ter un proxecto claro de cidade e non estar todo o día improvisando”, recalcou Lorenzo, quen asegurou que sobre a fachada marítima e o futuro dos peiraos a alcaldesa, Inés Rey, “ten que recuperar a credibilidade á súa palabra”.
Mentres, reclamou máis Policía Local para reducir as “ocupacións” que, segundo expuxo, se rexistran na cidade; así como medidas ante “a falta de mantemento nos barrios” e “as queixas de suciedade”. “Os problemas destes cen días son os mesmos que os da anterior lexislatura”, sentenciou tamén.
