O comité de empresa da concesionaria do servizo de recollida de lixos da Coruña, Prezero, convocou folga “intermitente e indefinida” no servizo a partir da medianoite do día 24, segundo informa.

Así o expón, nun comunicado, o Sindicato de Traballadores de Limpeza (STL), con representación maioritaria na empresa e cunha investigación aberta en relación a feitos delituosos contra os que foron os seus máximos dirixentes por branqueo de capitais, estafa e corrupción.

O comité denuncia, entre outras cuestións, a vulneración do convenio colectivo, así como a redución do persoal ou a externalización de servizos.

Tamén urxen ao consistorio a “tomar cartas no asunto de forma urxente”. Por iso, explican que solicitaron unha reunión co goberno local para abordar estas cuestións.