O 23% das vivendas que se alugaron durante o mes de novembro na Coruña non levaban nin 24 horas no mercado, segundo un estudo elaborado por Idealista a partir dos datos rexistrados no seu portal inmobiliario.
Desta maneira, a cidade herculina situouse como a capital galega cunha porcentaxe maior de aluguer exprés, seguida de Pontevedra, onde un 17% das vivendas está menos de 24 horas anunciada. En Lugo, esta cifra baixa ao 15%, mentres que Idealista non presenta datos de Ourense.
A nivel estatal, de media o 18% dos pisos alugáronse en menos de 24 horas. As cidades de Xirona e Vitoria foron as que rexistraron unha porcentaxe de alugueres exprés máis elevado, xa que o 33% das vivendas que se alugaron na capital xerundense non durou sequera 24 horas, mentres que en Vitoria foron o 27%.
Séguenlle as cidades da Coruña e Palma, co 23% en ambos os casos, León (22%), Burgos (22%), Las Palmas de Gran Canaria, Huelva e Valencia, con 20% nos tres casos.
