O sector de tráfico da Garda Civil da Coruña detectou dúas veces nunha mesma semana a un camión lixeiro cun exceso grave de carga. Os feitos, enmarcados na supervisión e control do transporte de mercadorías por estrada, sucederon cando os axentes detectaron a un camión lixeiro circulando pola autoestrada AP-9 á altura de Bergondo, cunha carga de vigas de ferro, a cal, “aparentemente, superaba con fartura” os límites do vehículo.
Os gardas civís actuantes procederon á pesada do vehículo na báscula móbil de dotación e esta arroxou un total de 5.600 quilogramos, mentres que o límite de peso máximo para este tipo de vehículos de 3.500 quilos, o que implica que superaba a tara nun 60%.
A Garda Civil procedeu á confección dos pertinentes boletíns de denuncia por suposta infracción á Lei de Seguridade Viaria, condución temeraria polo transporte das vigas mal estibadas e sen ningunha protección e infracción grave á normativa de transportes. En menos dunha semana, o vehículo foi novamente detectado circulando pola estrada N-550 á altura do quilómetro 9,300 no termo municipal de Culleredo nas mesmas condicións. A Garda Civil procedeu novamente á confección dos boletíns de denuncia.
