A problemática na cidade da Coruña coa falta de campos de fútbol é unha constante nos últimos anos. Comprobámolo a semana pasada coa problemática que denuncia o Batallador, pero ano tras ano son continuas as queixas de diferentes clubs que teñen que realizar parte dos seus adestramentos en pavillóns ou pistas.
Para intentar paliar esta carencia, o Concello acaba de rehabilitar o Campo de Eirís Lamadosa, para o que investiu 2 millóns de euros. Un campo que conta con iluminación, vestiarios, aseos, casetas… todo axeitado como comprobaba esta semana a Real Federación Galega de Fútbol que xa pode dispoñer esta fin de semana dos campos para o desenvolvento de diferentes ligas.
Xa a partir das 9:30h da mañá deste sábado 17 de febreiro haberá partidos en xogo (de 9:30 a 13:30 haberá 10 partidos de Fútbol 8 e de 16:00 a 20:15 haberá 3 partidos de fútbol 11), contando partidos das categorías de Alevín e Benxamín, das ligas femininas e mesmo e un infantil de Liga Galega (Oza Juvenil – Cidade de Ribeira). O domingo haberá 2 partidos de Veteranos
O campo servirá ademais para ampliar a oferta de horarios para os adestramentos de moitos clubs, como o propio SD Eirís, que xa disfruta dende entón, e tras moitos anos de abandono, dunhas instalacións dignas.
Máis novas
As familias do Batallador S.D. maniféstanse tras perder os campos nos que adestraban
