• A Organización convoca unha sesión informativa sobre o programa da Xunta este xoves, 22 de febreiro, ás 11.00 horas.
• ​Ao longo de 2023, un total de 145 menores foron acollidos por familias da provincia da Coruña a través de Cruz Vermella.

— — —

O programa de Acollemento Familiar da Cruz Vermella (e a Xunta de Galicia) segue espallándose e buscando novas familias que queiran ampliar o seu núcleo e queiran axudar temporalmente a algunha criatura desamparada.
Un programa que busca “brindar coidados, seguridade, educación e cariño que bebés, nenos, nenas e adolescentes necesitan mentres se solucionen as circunstancias que lles impiden temporalmente convivir coa súa familia de orixe”.

Na provincia da Coruña son 159 as familias acolledoras neste momento no programa, e para seguir ampliando esa rede e poder ofrecer máis fogares, a Cruz Vermella organiza este xoves 22 de febreiro unha sesión informativa para todos os interesados. O encontro, que terá lugar entre as 11.00 e as 13.00 horas na sede de Cruz Vermella na Coruña (C/ Cruz Roja Española, 1), é gratuíto previa inscrición no 981 22 10 00.