Axentes de Tráfico da Garda Civil da Coruña interceptaron nos últimos días ata a catro condutores que circulaban sen carné, ben porque non o obtiveron ou ben porque perderan todos os puntos.

En concreto, os axentes sancionaron a dúas mulleres, de 37 e 25 anos, que foron detectadas a semana pasada manexando senllos vehículos sen o permiso tipo B. Este feito, lembrou o corpo, podería carrexarlles “consecuencias legais severas”, incluíndo penas de prisión de tres a seis meses, multas de 12 a 24, ou traballos en beneficio da comunidade de 31 a 90 días.

Nunha operación paralela, a Garda Civil denunciou a un home de 41 anos por conducir baixo sanción de perda de vixencia do permiso de condución. Dáse a circunstancia, ademais, de que era a terceira vez que este home perdía todos os puntos do carné. Actualmente, o infractor está a cumprir condena no Centro de Inserción Social da Coruña.

Finalmente, os axentes tamén interceptaron a un condutor de 58 anos por manexar o seu vehículo tras perder todos os puntos asignados no seu permiso.