O oeste e suroeste da Coruña estarán este luns en alerta amarela por choiva, que poderán superar os 40 litros por metro cadrado en 12 horas. Segundo Meteogalicia, o aviso activarase ás 9:00 horas e finalizará ás 21:00 horas. Esta será unha xornada na que unha fronte moi activa deixará cuantiosas choivas.
Así, Galicia quedará na influencia das baixas presións situadas ao oeste e unha fronte fría, asociado a unha borrasca, afectará á comunidade, especialmente na segunda metade do día. A xornada arrincará cos ceos moi nubrados, con choivas no litoral atlántico, localmente fortes, que progresivamente chegarán ao resto da comunidade.
As temperaturas mínimas terán un lixeiro ascenso, mentres que as máximas non experimentarán cambios significativos. O vento soprará moderado de componenete sur, con intervalos fortes no litroal atlántico pola tarde.
