Acolleu a CUAC FM unha das primeiras iniciativas do proxecto Mulleres Afronte. Liderado pola USC e a ONG Ecos do Sur, a iniciativa trata de poñer en valor a creación artística de mulleres migrantes no país, experimentando esa arte, como ferramenta de transformación social.

O proxecto trata de investigar e promover experiencias como as que levan protagonizando durante décadas as batukadeiras de Cabo Verde na Mariña lucense, así como outras propostas que serviron para unha mellor integración social das mulleres migrantes no país.

O primeiro encontro reuniu na emisora comunitaria herculina tres das artistas de Mulleres Afronte (Miriam Sandoval Guiraldes, Kirenia MARtínez Acosta e Aranxa Vicens Cortés), que  participaron no Programa de Cuac FM “Escuela de Familias”, promovida por Accem e presentada por Yosi Hatillo.

En setembro os máis de 30 artistas participantes no mapeo poderán reunirse nunha xornada de diagnóstico para avanzar nunha visión conxunta sobre o situación do sector. Nos próximos meses celebraranse edicións de Wikipedia para crear colectivamente artigos de artistas con vínculos migrantes, como forma de aumentar a visibilización deste colectivo, e o proxecto pecharase en 2024 cun evento artístico e presentación de resultados.

Así, o proxecto tratará de fomentar estes emncontros entre unha vintena de artistas con vínculo migratorio (inmigrantes, emigrantes retornados, descendentes de emigrantes…) que desenvolven proxectos de culturais no noso país, nos ámbitos da música, danza, teatro ou performance, por exemplo.
Espazos sen precedentes no comunidade, que crean ambientes creativos nos que planificar accións futuras actividades conxuntas, explorar sinerxías e colaboracións e compartir situacións e problemas común.