A Xunta avanza nas obras de acondicionamento do firme na estrada A Coruña-Carballo (AG-55), que suporá afectacións puntuais no tráfico a partir deste luns. A intervención, cun investimento de 400.000 euros, comezou a principios deste mes por parte da concesionaria da estrada e o obxectivo é garantir a calidade e a durabilidad dos pavimentos nesta infraestrutura, contribuíndo ao reforzo da seguridade viaria.

Segundo informou a Xunta, os traballos que se desenvolverán durante catro semanas, aproximadamente, necesitarán afeccións puntuais no tráfico, que estarán debidamente sinalizadas. Na noite do luns, entre as 22:00 horas e as 06:00 horas, cortarán o ramal de saída da AG-55 sentido Carballo na ligazón Paiosaco.

Na noite do martes, o corte será no ramal da estrada dirección Carballo, na ligazón de Carballo Este. Na madrugada do mércores haberá corte do ramal de entrada dirección A Coruña desde AC-552. O mércores e o xoves en horario de 07:00 horas a 22:00 horas, haberá un corte de carril alterno entre os puntos quilométricos 6 ao 9, 12 a 15 e 26+500 a 29+000 en ambas as calzadas.