Vén de anunciar o Concello da Coruña a adxudicación dos traballos de reurbanización e humanización da rúa Sagrada Familia. O proxecto supón a reurbanización do treito comprendido entre as rúas Nosa Señora da Luz e San Xaime, o que suporá unha mellora de aproximadamente 1.640 metros cadrados, que conta cun orzamento de máis de 673.000 euros e ten unha duración estimada de sete meses, divididos en tres fases.

A intervención transformará a calzada e as beirarrúas actuais nunha plataforma única, elevando a calzada á altura das beirarrúas para crear un tramo de prioridade peonil.

Tamén se renovará a rede de saneamento, iluminación pública e pluviais, dotando a rúa dunha infraestrutura renovada tanto na parte visible coma na soterrada. Ademais, dotarase
ao espazo de novo mobiliario urbano-

Ademais, no 2025 abordarase o seguinte tramo da rúa, completando deste xeito a Rolda Peonil que conecta San Diego coa Agra do Orzán, dando continuidade ao percorrido configurado con outros traballos como os das rúas Ramón Cabanillas e Alcalde Marchesi.