A alcaldesa da Coruña, Inés Rey, e o tesoureiro da Asociación de Persoas con Mobilidade Reducida (AsoPMR), Danilo Francesca, asinaron este xoves o convenio de colaboración que permitirá a inclusión da cidade no proxecto Anuncio4Dis.

Trátase dunha iniciativa que se desenvolverá en cinco cidades europeas co obxectivo de facilitar a identificación e acceso ás prazas de estacionamento para persoas con mobilidade reducida mediante a tecnoloxía satelital, Street View e a IA.

“O uso desta tecnoloxía será posible grazas ao apoio que dá Google.org a este proxecto, concibido por AsoPMR coa finalidade de dar unha información de utilidade ás persoas con mobilidade reducida e mellorar a súa autonomía e calidade de vida“, sinala o goberno local.