InicioSOCIEDADEA Universidade da Coruña prohibirá o consumo de tabaco ou 'vapers' en...

A Universidade da Coruña prohibirá o consumo de tabaco ou ‘vapers’ en todos os espazos dos seus campus

Publicada o

Por europapress

A Universidade dá Coruña (UDC) aprobou o plan ‘Campus sen fume’ para prohibir o consumo de tabaco ou ‘vapers’ en todos os espazos dos seus campus, interiores e exteriores, para mostrar o seu “compromiso” cos Obxectivos de Desenvolvemento Sustentable (ODS) da ONU.

Así, a iniciativa ‘Campus sen fume’ entrará en vigor este curso académico 2024/2025, primeiro no campus de Ferrol e máis adiante, de maneira progresiva, nos diferentes campus da Coruña. Unha vez se publique esta norma no taboleiro electrónico da universidade, o incumplimeinto poderá chegar a supor sanción.

Segundo comunicou en nota de prensa, a UDC instalará carteis na entrada de todos os seus inmobles, tanto nas facultades, como nas bibliotecas ou nos edificios con outras funcións. Ademais, eliminará os cinceiros e papeleiras dispostas na actualidade para as cabichas.

Doutra banda, buscará promover “a saúde da comunidade universitaria” a través de “accións de sensibilización, formación e apoio” que ofrecerá a todas as persoas membro que desexen deixar de fumar ou vapear. Farao da man de entidades externas, tales como a Asociación Española contra el Cáncer ou a Red Española de Universidades Promotoras de Salud (REUPS).

ÚLTIMAS

Cando limpar praias é un verdadeiro exercicio de inclusión

Emocionante xornada a vivida esta mañá na praia de Riazor. A Asociación Mar de...

Aprobado o convenio de financiamento entre Xunta e Concello para licitar o centro de saúde e centro cívico de Santa Lucía

Pasiño a pasiño avanza a eterna rehabilitación do centro de saúde e o centro...

O Museo de Belas Artes acolle na Coruña unha mostra sobre Isaac Díaz Pardo

O Museo de Belas Artes da Coruña acolle unha mostra sobre a figura de...

A Xunta propón recuperar e expoñer os murais de Urbano Lugrís na rúa Olmos

Representantes da Xunta e do Concello da Coruña participaron nun encontro para concretar o...