O Concello da Coruña licitará a xestión da planta de lixo de Nostián no segundo semestre do ano. Un servizo que leva caducado desde decembro de 2019.
Faino o Concello tras chegar a un acordo co Consorcio dás Mariñas, que seguirá como “cliente preferente”, polo que pagará un 1 menos por tonelada de tarifa que estableza Sogama.
O Consorcio comunicou ao Concello que será este o que asuma en solitario a xestión da planta, trala renovación do convenio entre Albada-Urbaser e o Consorcio, que establece ata 2027 a tarifa que empregará este último por empregar a planta de Nostián.
Na Xunta de Goberno, tamén se deu luz verde a un acordo con Urbaser para dar por finalizado o litixio mantido coa concesionaria de Nostián pola anulación xudicial dos acordos de 2011. En concreto, negociouse pór fin á vía xudicial e que Urbaser reintegre 8,3 millóns de euros ao consistorio, recoñecendo así o seu dereito a compensación.
POSTURA DO PP
Pola súa banda, o PP avanzou que pedirá explicacións ao goberno municipal “pola renuncia a cobrar 7,3 millóns da débeda de Albada”. “E para saber canto aumentará aos coruñeses o pago de Nostián tras o acordo co Consorcio”.
“Ambas decisións son prexudiciais para os coruñeses porque se renuncia a un cobro avalado polos servizos municipais e confirmado por sentenza e, por outro, obrigaranos a pagar máis por tratar o lixo sen que Nostián cumpra a normativa”, argumenta no seu caso.
