O Concello da Coruña, a través da Concellaría de Cultura e Turismo, abriu o prazo de presentación de traballos para a XXXVIII edición dos premios Prismas Casa das Ciencias á Divulgación Científica.

“Un certame que se consolidou como un dos máis prestixiosos do ámbito estatal no ámbito da comunicación científica”, remarcan desde o consistorio.

O mesmo inclúe oito categorías: vídeo, novos medios, artigo xornalístico, radio, proxectos singulares, libro editado, proxecto de divulgación científica sobre a auga no medio urbano e prisma especial do xurado.

Esta última modalidade está destinada a recoñecer a traxectoria de persoas ou institucións cunha achega destacada ao labor divulgadora.

Como novidade nesta presente edición, incorpórase a modalidade centrada na divulgación científica sobre o auga no medio urbano dirixida a proxectos que contribúan a sensibilizar sobre a importancia da xestión sustentable da auga nas cidades e os avances tecnolóxicos neste ámbito.