O Concello de Cambre acollerá o luns, día 21, ás 11.00 horas, o pleno para que por parte dos grupos políticos presenten unha alternativa de goberno tras a dimisión da ata agora alcaldesa, María Pan Lesta, de Unión por Cambre.

A sesión plenaria terá lugar nun contexto con outra nova dimisión, a do ata agora edil de Unión por Cambre Ramón Boga. A anterior foi a de Óscar García Patiño, que concorreu por esta formación como candidato á Alcaldía e gañou nas pasadas eleccións municipais, pero optou por renunciar para, expuxo no seu momento, facilitar a gobernabilidade dadas as desavinzas coa secretaria municipal e a interventora.

Tanto PP, segunda forza máis votada e que conta con catro edís — obtivo cinco pero unha concelleira pasou a non adscrita– como PSOE, con mesmo número de representates municipais, postuláronse para optar á Alcaldía, neste caso cun chamamento a sumar o apoio de forzas de esquerda.

O BNG, conta con tres edís e Alternativa dúas Veciños, dúas, ao que se suma a concelleira non adscrita, ademais de Unión por Cambre, que obtivo tras as eleccións sete representantes.

Máis novas

O PSOE de Cambre critica que UxC se absteña na investidura e entregue o goberno ao PP

Os socialistas de Cambre presentan candidato á Alcaldía tras dimitir a alcaldesa

María Pan Lesta formaliza a súa dimisión como alcaldesa de Cambre: “Non nos deixaron gobernar”