Un total de 3.639 estudantes realizarán desde o vindeiro martes, día 3, ata o xoves, día 5, as Probas de Avaliación de Bacharelato para o Acceso á Universidade (PAU) na Universidade da Coruña (UDC).

Segundo informa o reitorado, no caso do Lerd da Coruña son 2.844 os alumnos e alumnas matriculados. Deles, un total de 2.722 farán as súas probas en facultades e escolas da propia Universidade e os 122 que corresponden a estudiantado de centros de Cee e Zas examinaranse no IES Agra de Raíces de Cee. O campus de Ferrol acollerá a 795 aspirantes.

A xornada dará inicio ás 9.00 horas do martes cunha presentación na que o estudiantado recibirá información do desenvolvemento das probas, para dar paso ao primeiro exame que será o de Lingua Castelá. A finalización da PAU está prevista para o día 5, ás 13.00 horas. Na Coruña, estarán habilitadas para estas probas un total de seis facultades e escolas.

No campus de Elviña, serán a Facultade de Dereito, a ETS Enxeñaría de Camiños, Canles e Portos, a Facultade de Informática e a Facultade de Economía e Empresa. No campus da Zapateira, haberá na Escola Universitaria de Arquitectura Técnica e Filoloxía. No campus de Ferrol, o alumnado distribuirase entre a Escola Politécnica de Enxeñaría de Ferrol e a Facultade de Humanidades e Documentación. A convocatoria extraordinaria, destinada a alumando que aprobase o Bacharelato nas recuperacións ou suspendese a proba na convocatoria ordinaria, será entre o 1 e o 3 de xullo.