A Policía Nacional investiga a autoría dun aviso de bomba no complexo hospitalario coruñés (Chuac), que resultou ser unha falsa alarma.

Así o confirmaron a Europa Press fontes consultadas que explicaron que esta pasada madrugada, pasadas as doce da noite, recibiuse unha chamada a través do 112 na que se alertaba sobre un aviso de colocación de bomba no Hospital da Coruña.

Ante esta alerta, en concreto dun paquete de bomba, activáronse os protocolos establecidos para ese tipo de situacións en coordinación coa Dirección Xeral de Emerxencias e os Corpos e Forzas de Seguridade do Estado.

Ás dúas da madrugada comunicouse a desactivación do protocolo e consideracion da citada chamada como unha falsa alarma. Agora abriuse unha investigación para dar co autor dos feitos, constitutivos dun delito de desordes públicas.