InicioCULLEREDOO Monte Costa, en Culleredo, sofre un incendio forestal

O Monte Costa, en Culleredo, sofre un incendio forestal

Publicada o

Por editor

Non libra a comarca da vaga de lumes que sofre Galicia. Un incendio forestal ten lugar dende esta madrugada no Monte Costa, en Culleredo. O incendio detectouse arredor das 4:30 horas e está a afectar unha zona forestal.

Alí traballa un equipo formado por brigadas de extinción de incendios da Xunta, o Servizo de Emerxencias do Concello de Culleredo, a Policía Local, os Bombeiros do Parque Provincial de Arteixo, o Servizo de Emerxencias de Oleiros e os servizos municipais de augas. A coordinación realízase desde a zona de Cillobre.

En principio, non se prevé que o incendio afecte a vivendas. A zona máis próxima, por unha banda, é a xa mencionada localidade de Cillobre, pero as actuacións dos servizos, xunto coa presenza de varias estradas que poderían actuar como barreiras, conteñen o incendio.

O servizo eléctrico da zona foi cortado pola existencia de liñas eléctricas. Por agora non supera as 20 hectáreas.

O incendio Monfero-Queixeiro afecta o Parque das Fragas do Eume

Ademais, a Xunta informa de que hoxe ás 05.11 horas de hoxe quedou controlado un incendio forestal declarado ás 21.11 horas de onte no concello de Monfero, parroquia de Queixeiro, que afecta o Parque Natural das Fragas do Eume. Segundo as últimas estimacións, afecta unha superficie de arredor de 1,5 hectáreas. Para a súa extinción mobilizáronse de xeito acumulado 1 axente, 5 brigadas e 6 motobombas.

ÚLTIMAS

O Lembranza Rock dá unha lección de compromiso

Fermosa, emotiva e comprometida noite de sábado a vivida no Parque Europa. A Asociación...

Lembrando os 100 anos do busto de Pondal nos Xardíns

O Circo de Artesáns organizou este pasado sábado unha homenaxe polo 100 aniversario do...

A Copa Galicia volve xuntar na Coruña aos 4 grandes do baloncesto galego

A Copa Galicia de Baloncesto volverá celebrarse na Coruña os días 5 e 6...

Operativo de procura no peirao de Oza por un posible home ao mar

Bombeiros da Coruña, en colaboración coa Policía do Porto da Coruña, participaron nun operativo...

DEIXAR UN COMENTARIO

Please enter your comment!
Please enter your name here