Esta noite de luns 25 de agosto, Vega pecha o ciclo de concertos das Festas de María Pita. Toma o relevo para pechar este completo mes de agosto, a Romaría de Santa Margarida, que se celebrará no parque do 28 ao 31 de agosto, mantendo deste xeito o formato de catro días que puxo en marcha o ano pasado.

A romaría, na que a participación das Associacións de música tradicional da cidade é fundamental, arrinca o xoves 28, pero faino no Teatro Colón, onde se realizará finalmente a estrea do proxecto Gala i Ovidio (21.00 horas), nova banda de Aida Tarrío (Tanxugueiras) e Raúl Refree. As entradas xa están á venda.

O venres volverá a haber tamén un concerto especial no Planetario da Casa das Ciencias. Germán Díaz e Benxamín Otero farán unha dobre sesión ás 18.00 e 19.00 horas. As entradas están á venda na páxina web dos Museos Científicos.
Tamén o venres celebrarase a Gran Noite do Folclore, coas actuacións de Cántigas da Terra, Aturuxo, Xacarandaina, Donaire e Son d’aquí.

En canto aos concertos programados para a fin de semana no anfiteatro, o sábado actuarán As Lagharteiras, Os do Fondo da Barra e Comando Curuxás coas Cantareiras de Cántigas e Frores. O domingo será a quenda de Os Melidaos, Rura e El Nido e convidados. Tamén actuará o domingo 31 a Banda Municipal de Música da Coruña xunto con Donaire, ás 12.00 horas, na escalinata da Casa das Ciencias.
A programación complétase con outras actuacións no parque e o Espazo Participativo, que
volverá a acoller obradoiros e mostras da man das entidades de cultura galega da cidade.

PROGRAMA