O Concello da Coruña aprobou esta mañá na Xunta de Goberno a licencia defintiva para que Repsol derrube os tanques de cru da terminal marítima de San Diego. “Esta intervención é importante atendendo ao contexto de transformación que está a vivir o porto da Coruña, coa liberalización progresiva dos peiraos interiores e o traslado de infraestruturas industriais de Punta Langosteira”, expuxo a alcaldes Inés Rey.
Trátase, de feito, dunha zona estratéxica, que mantén aberta a súa especulación urbanística no marco do proceso da reforma da Fachada Marítima.
Outros puntos
Na Xunta de Goberno tamén se aprobou un investimento de 1,1 millóns de euros para dar continuidade ás actividades de dinamización nos centros cívicos da cidade.
Entre outros asuntos, tamén se abordaron as licenzas urbanísticas, entre elas as que permitirán restaurar a cuberta do enclave patrimonial da Igrexa da Orde Terceira de San Francisco.
Ademais, notificouse a concesión de licenza para adecuar un local que se usará como centro de adestramento deportivo e que estará situado na zona de Xuxán.
Tamén esta mañá a Xunta de Goberno local deu luz verde á adxudicación de tres lotes correspondentes a programas de actividades nos centros cívicos municipais, nos que se investirá, de forma conxunta, 1,1 millóns de euros ata finais de 2027.
