Autoridades presentes destacaron as actuacións acometidas na Torre Efisa da Coruña, un edificio emblemático da cidade con 181 vivendas e 72 locais para a rehabilitación enerxética integral, cun investimento total de 7,5 millóns.
Foi cunha achega de 4,6 millóns de euros de fondos europeos xestionada pola Xunta a través da liña de axudas para a mellora de eficiencia enerxética de edificios.
Así o expuxo a conselleira de Vivenda e Planificación de Infraestruturas, María Martínez Allegue, que destacou a colaboración neste proxecto e subliñou tamén que supón un referente non só por “a magnitude da intervención” senón tamén polo que supón en canto ao “compromiso de sustentabilidade e eficiencia enerxética”.
Trátase dunha intervención executada pola empresa Iberdrola nun edificio considerado un dos máis emblemáticos do verticalismo de finais dos anos sesenta en edificios da Coruña.
No acto, a rexedora coruñesa, Inés Rey, remarcou uns traballos para “gañar eficiencia e sustentabilidade” despois das actuacións en sistemas de calefacción e auga quente, incorporando bombas de calor e un sistema de autoconsumo composto por máis de 200 paneis fotovoltaicos.
