A República Musical Mardi Gras homenaxea este mes de decembro ao Jazz Filloa celebrando na mítica sala da rúa Cega duas actividades do ciclo Coruña República Musical que conta co apoio da Concellaría de Cultura e Turismo do Concello da Coruña.
O Filloa cumple este mes 45 anos de traxectoria só interrumpida pola pandemia programando exclusivamente Jazz. Un mérito infinito e un espazo máximo que se debe reivindicar como merece. Tras o concerto do pasado xoves da formación de Swing Stompy Seven Jass Band, o martes día 9 ás 19:30 celebrarase un necesario debate sobre Músical local con entrada libre ata completar aforo.
O debate contará coa presenza de directivas de tres asociacións vinculadas á música: Silvia Penide representará a Músicas ao Vivo, Tomi Legido farao representando a Clubtura, a asociación galega de salas privadas de música ao vivo, e María Castro será a anfitriona en representación da República Musical Mardi Gras. Sumarase ao debate Gonzalo Castro, concelleiro de Cultura e Turismo do Concello da Coruña, en canto finalice outro acto no que ten comprometida a súa presenza. Está previsto tamén que outras organizacións como Sunwalk Records participen coas súa visión.
Falarase de retos a afrontar a nivel de relacións entre os diversos sectores, de posibles políticas públicas de apoio e tamen do Festival Noroeste Estrella Galicia que é raro o ano que non suscita polémica As persoas interesadas en enviar propostas previas de temas a tratar poden facelo enviando un correo a acrepublicamardigras@gmail.com. As que o fagan terán preferencia á hora de participar nas intervencións do público. Está previsto rematar ás 21 horas.
