- Xornada 20 – Deportivo 2 – Cádiz CF 2
- Frío comezo dun ano 2026 para un Dépor que segue sen levantar cabeza
- Vixésimo encontro de Antonio Hidalgo como adestrador do Deportivo (9V 6E 5D).
— —
O de onte non foi un partido sinxelo para o Dépor despois das tres derrotas consecutivas coas que finalizaba a o ano 2025. A pesar das novas fichaxes e dos trocos en defensa, a vitoria segue sen chegar para a parroquia branquiazul. Goles de rebote, pouca concentración nos goles do Cádiz e a sensación de que a única solución os marcadores en contra é sacar dianteiros sen ton nin son.
Xusto cando a primeira volta está a piques de rematar, hai un patrón que se repite nesta tempada: o Dépor non sabe remontar partidos, sen embargo si é un equipo ao que lle remontan. En ata catro ocasións os rivais foron quen de sacar algo positivo a pesares de que o Depor se adiantara no marcador (Eibar, Racing, Castellón e Cádiz), máis o Depor so puido igualar tres marcadores nos que comezou perdendo (Leganés, Almería e Valladolid). Primeira nota de debilidade.
Outro punto de preocupación é que fronte aos rivais polo ascenso o equipo non mostrou o nivel que estes partidos exixe. Tras enfrontarse a catro dos cinco rivais que lle acompañan nos postos de ascenso ou promoción, só lle gañou a o Ceuta en Riazor, cun marcador moi axustado e pedindo a hora. Dúas derrotas fronte Racing e Castellón e un empate con Almería acompañan a esta pírrica vitoria. Segunda nota de debilidade.
Ademais, Riazor segue sendo un chollo para os rivais: 16 puntos de 30 posibles na casa. Se algo caracteriza aos equipo que ascenden e a fortalezo coma local, algo que este Depor tampouco amosa. Terceira nota de debilidade.
Por último, é ben notorio a fraxilidades defensiva deste equipo. Có debut de Alti xa son catro os xogadores que ocuparon o lateral dereito (Ximo, Loureiro, Noubi e o propio Alti), tres os nomes que actuaron coma central dereito (Arnau, Loureiro e Noubi) o que amosa onde están os problemas a arranxar. A defensa dun aspirante ten que ser sólida en nomes e en resultados e ámbalas dúas estanlle a faltar ao equipo.
O mercado de inverno ofrece unha mínima posibilidade de remendo, mais non soe ser a solución aos problemas dos que falamos. Recuperar a concentración atrás, manter un esquema fixo de xogadores, fortalecer a fame de vitorias e converter Riazor nun fortín. Co mes de xaneiro que temos por diante, saberase se estamos en condicións de pelexar por cotas maiores ao final da tempada.
- Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
