Hoxe arrinca oficialmente, a folga da flota de baixura en todo o estado. A posta en vigor do novo Regulamento de Control da Pesca da Unión Europea trae graves consecuencias para o sector galego, con burocracia e obrigas moi difíciles de asumir, que describíamos a semana pasada.

A primeira gran concentración de protesta desenvolverase esta mañá de luns, a partir das 11:00h.

Aos barcos da propia Coruña, uniranse os de Pontedeume, Sada, Lorbé, Ferrol, e mesmo algún de Laxe, para protagonizar unha histórica manifestación no Parrote. 

A pé uniranse xentes do sector de toda provincia, que non dan chegado cos seus barcos ata o porto herculino, pero que non queren perder esta ocasión de deixarlle claro aos burócratas de despacho da Unión Europea que hai medidas absolutamente incumplibles.

Máis info

A pesca de baixura realizará o luns unha manifestacion marítima e por terra no Parrote