Ultima esta semana os preparativos o concello da Coruña para a obra de dous parques infantís na cidade.
Parque do Ventorrillo
Esta semana darán comezo os traballos do novo parque infantil do Ventorrillo, que se converterá no primeiro parque cuberto da cidade, un proxecto pioneiro que permitirá aos nenos e nenas xogar a resgardo das condicións meteorolóxicas en inverno e protexerse tamén do sol no verán.
A área infantil contará con catro cubertas lixeiras de policarbonato para cubrir o parque. A superficie pasará dos 400 metros cuadrados actuais a 730. Coa mellora case se duplica o espazo. Tamén ascende o aforo, que pasará de 76 a 135 persoas usuarias.
Ademais, renovaranse tanto o pavimento como os equipamentos que hai actualmente, sumando xogos inclusivos e sensoriais. Haberá dous novos tobogáns aproveitando o noiro lindeiro ao parque, semellantes aos existentes nos parques de Oza e Eirís.
Novos pasos da Rolda peonil da Sagrada Familia e do parque infantil cuberto do Ventorrillo
Parque da Palloza
Máis tarde, nas vindeiras semanas, poranse en marcha os traballos de renovación do parque infantil situado na praza da Palloza.
A intervención sobre a área de xogos permitirá incrementar a capacidade do recinto ata máis de medio cento de persoas usuarias —54 en total— e, incluirá varias medidas destacadas. A primeira, a substitución do firme de area por unha nova superficie de caucho, que cubrirá 210 metros cadrados. E a segunda, a incorporación de novos equipamentos de disfrute como torres multixogo e balancíns, concibidos para o uso de nenas e nenos con mobilidade reducida.
A previsión dos servizos municipais é que os traballos no parque infantil da Palloza comecen nos próximos días, se as condicións meteorolóxicas son favorables.
O da Praza de Portugal, máis adiante
O Concello lembra que o Plan de Parques Infantís 2025-2030 contempla, “mais adiante”, a ampliación e remodelación do espazo existente na praza de Portugal.
Aproban 1,4 millóns de euros para a ampliación do parque infantil da Praza de Portugal
