Non lles permitíu o Concello facelo no interior do Pazo. Pero a Comisión pola Recuperación da Memoria Histórica da Coruña (CRMH) quedou esta mañá de sábado 23 de xuño, fóra, na Praza de Maria Pita, para realizar unha acción simbólica.
Mentres a rapazada gozaba dunha xornada de xadrez xigante, os membros da Comisión portaron copias dos 18 cadros de golpistas e alcaldes franquistas que fican a día de hoxe nas paredes de diferentes estancias do concello (incluído o despacho oficial da alcaldía) e os descolgaron simbolicamente, “demostrando que é un acto de hixiene democrática fácil e sinxelo”.
Queren criticar “a falta de vontade política por parte do goberno municipal para cumprir a Lei de Memoria Democrática e eliminar dunha vez a gran cantidade de simboloxía franquista que existe na nosa cidade, o que nos converte nunha vergonzosa excepción dentro do estado.”
