O Concello da Coruña destinará máis de 700.000 euros ao plan de mellora que se executará nos centros educativos da cidade durante este verán.
Unha medida promovida polo goberno local co obxectivo de reforzar as actuacións de mantemento e conservación que xa levan a cabo nas instalacións de titularidade municipal ao longo do curso.
Así o expuxo a alcaldesa herculina, Inés Rey, que informou da folla de ruta que seguirá o consistorio ata mediados de setembro, aproveitando o descanso da actividade escolar e xa con vistas ao próximo curso 2026-2027.
Ata entón está previsto actuar en 25 instalacións repartidas polo dez distritos da cidade. Colexios, centros de educación especial e escolas infantís municipais nos que se acometerán medio centenar de intervencións formuladas.
Un dos centros públicos nos que se intervirá será o CEIP Concepción Arenal onde a rexedora, Inés Rei, presentou o plan. “Non é unha cuestión menor, vimos advertindo, desde hai tempo, de que a Xunta non pode descargar nos concellos a responsabildiad de atender as necesidades estruturais dos colexios públicos”, expuxo.
