Os visores interactivos do Concello da Coruña cara á eclipse solar acumularon case 200.000 visualizacións, segundo informa o consistorio. Os mapas habilitáronse para facilitar a identificación dos puntos de observación nos barrios e tamén para informar con antelación sobre o dispositivo de tráfico, seguridade e mobilidade. E é que, segundo remarca, un dos principais eixos sobre os que se sustentou o dispositivo de seguridade e mobilidade do consistorio foi a difusión previa dos diversos puntos de proximidade identificados para seguir o evento astronómico desde os barrios da Coruña.
Por iso, meses atrás, os servizos municipais habilitaron na páxina web do consistorio un apartado específico para aglutinar toda a información relativa á programación de actividades relacionadas coa eclipse, que incluíu a publicación de diversos visores interactivos.
