Un voo con destino A Coruña procedente de Madrid tivo que ser desviado a Santiago debido, segundo Aena, á “baixa visibilidade”. Ocorreu despois de que no aeroporto herculino de Alvedro se rexistrase unha mesta néboa a primeiras horas deste venres.

En concreto, trátase dun avión da compañía Iberia que saíra da capital de España e cuxa chegada estaba prevista para as 08.40 horas, o que tivo que cambiar a súa ruta ao aeródromo Santiago-Rosalía de Castro.

Pola súa parte, un voo de Air Europa procedente de Madrid e con chegada prevista ao aeroporto de Alvedro ás 07.50 regresou ao seu punto de orixe.