A Fundación Barrié presentou na súa sede da Coruña a exposición ‘El Bosco e Bruegel. Unha viaxe a mundos fantásticos’, unha mostra dedicada á obra de Hieronymus Bosch (c. 1450-1516), coñecido como El Bosco, e Pieter Bruegel o Vello (c. 1525-1569).

A mesma, segundo os seus promotores, “pon de relevo a imaxinación e o extraordinario universo visual destes dous mestres dos séculos XV e XVI”.

Na rolda de prensa, interviñeron a directora da Fundación Barrié, Carmen Arias, e Peter van der Coelen, comisario da exposición e conservador de Gravados e Debuxos do Museo Boijmans Van Beuningen de Róterdam (Países Baixos).

A mostra inclúe 85 gravados, aguafuertes e xilografías, todos eles procedentes da colección do Museo Boijmans Van Beuningen. A directora da Fundación Barrié resaltou “a capacidade do Bosco e Bruegel para retratar con humor e enxeño as contradicións da natureza humana”.

Pola súa banda, Peter van der Coelen, explicou que esta é a primeira exposición dedicada integramente aos gravados inspirados no Bosco e creados por Bruegel e os seus contemporáneos, “obras que pon de manifesto a imaxinación e a innovación que definiron a arte neerlandés nos séculos XV e XVI”.