O Partido Popular da Coruña convocou a comisión de Medio Ambiente para pedir explicacións ao goberno municipal ante a súa “falta de transparencia” sobre a investigación ao redor do catro membros do Sindicato de Limpeza (STL) por corrupción entre particulares, estafa e branqueo de capitais.

Así o manifestou o viceportavoz do grupo popular, Roberto Rodríguez, quen criticou o “silencio” do goberno socialista e o “disimulo” da Marea Atlántica. Lembrou, ademais, que este suceso afecta a un contrato adxudicado en 2020 polo actual consistorio por un importe total de 115 millóns de euros.

“Nin dicimos nin damos a entender ningún tipo de responsabilidade penal” por parte do goberno municipal, explicou Rodríguez. No entanto, instou ao consistorio a informar sobre a investigación.

O viceportavoz popular tamén lembrou que “varios sindicatos” denunciaron que “continúa habendo irregularidades” no servizo tanto en medios materiais como humanos.