En xaneiro aconteceu nun restaurante de Muros. Esta pasada noite de martes 14 de marzo volveu pasar, desta volta nun de Muxía. Unha familia celebraba o aniversario de María José en Casa de Lema. Quedaban as últimas ameixas e Manu, o fillo, serviullas á súa nai. Sentiu algo na boca e dixo algo así como “eh, que hai aquí? unha pedra?”.

De contado, xa notou que era algo especial, e se puxo toda e mocionada. “Ten toda a pinta de ser as famosas perlas que hai agora”, sinalou Manu, comparando en internet coa atopada no restaurante muradán, e comprobando que eran igualiñas.

Son ameixas da cetárea de Merexo, que proceden de Carril. “Son bivalvos e pode ocorrer. O funcionamento é o mesmo que o da ostra”, explica o responsable da cetárea, Carlos Alcalde.

A “cumpleañera” levou unha boa sorpresa e hoxe irá preguntar nalgunha xoiería o seu valor real. Iso si, como di Manu, “a partir de agora todo o mundo irá comendo a modiño por se toca”.