O Xulgado de Garda da Coruña declarou prisión provisional comunidada e sen fianza por tentativa de homicidio para o home detido este xoves que supostamente acoitelou a outro na Coruña.

O procesado acoitelou supostamente a outro no transcurso dunha pelexa na zona dos Castros.

Segundo fontes policiais próximas ao caso, os feitos tiveron lugar esta mañá ao redor das 6,30 horas. Durante unha discusión entre dous homes, un deles acoitelou cunha arma branca a outro.

O ferido foi trasladado ao Complexo Hospitalario Universitario da Coruña (CHUAC), aínda que o seu estado non era grave.

Aínda que no momento o agresor fuxiu, as investigacións policiais levaron á súa detención poucas horas despois.