A rendibilidade do aluguer en Galicia foi do 4,91% no primeiro trimestre, segundo un informe de pisos.com, no que se sitúa este dato a nivel estatal no 6,31%. No informe, recóllese o caso de Coruña capital, situando esa rendibilidade no 4,76%.

Ferran Font, director de Estudos de pisos.com, destaca que “tras un 2022 con resultados excelentes no que a rendibilidade respecta, o seu dinamismo viuse truncado, primeiro no último trimestre do ano e, agora, no primeiros tres meses de 2023″.

A rendibilidade no primeiro trimestre de 2023 cae doce centésimas respecto ao mesmo período de 2022 (6,43%) e tres centésimas con relación ao cuarto trimestre do mesmo ano (6,34%). Así, en España por unha vivenda tipo de 90 metros cadrados cun prezo de 181.440 euros e unha renda media mensual de 955 euros, un propietario obtivo 11.458 euros brutos anuais.