A Unión Sindical e Técnicos Sanitarios (USAE) denunciou a agresión a dous técnicos de emerxencias sanitarias da Coruñ. O sindicato sinalou que esta pasada noite na Coruña, cando dous técnicos, tras o aviso do 061, acodían a asistir a un paciente, “este negouse a ser atendido, agredindo verbalmente a unha das compañeiras, e fisicamente ao outro compañeiro, propinándolle varias puñadas ata que, finalmente, foi separado por uns familiares, quen llo levaron antes de que chegase a Policía”.
As críticas nacen pola “falta de compromiso” do servizo público tralo proceso de externalización dunha infraestrutura tan básica como esta. Xa nos casos semellantes acontecidos hai un mes na Barbanza e Pontevedra, “o 061 comunicou ás empresas nas que traballaban os compañeiros agredidos, aínda de baixa, que non se facía responsable destas agresións por ser servizos alleos, a pesar de ser o 061 quen os xestionou”.
Por iso, e malia que xa os profesionais TES — técnicos de emerxencias sanitarias– galegos non pertenzan ao Sergas, dende o sindicato piden que sexan considerados “autoridade sanitaria” para que o Sergas non mire para outro lado.
