Arrancou a noite do 7 ó 8 de novembro o mundial de hóckey sobre patins, encadrado no seu novo formato dos World Skate Games, a primeira vez que se realiza este campionato mundial unificado de todas as disciplinas sobre rodas.

Ás 02:00 fixo o seu debut a selección española en San Xoán, Arxentina. Un lugar donde a paixón dos siareiros leva este deporte a superar a imaxinación de calquera. En pocos lugares do planeta o hóckey ten tal arraigo na vida dos afeccionados, capaces de esgotar 10.000 entradas en poucos minutos, elevando ós xogadores ó estatus de estelas do rock.

A nosa selección comezou con derrota, pero é que a dificultade era máxima; enfrontábase nada menos que a Arxentina, anfitriona e outra das grandes favoritas do torneo xunto con España e Portugal. O debut saldouse con derrota por 4 a 2 nun encontro igualadísimo e emocionante.

Entre os convocados, dous coruñeses: o capitán do Liceo Dava Torres, e o barcelonista Ignacio Alabart. Ao seu carón está o “coruñés de adopción” Toni Pérez, xa un dos nosos polo seu longuísimo pasado liceísta e tamén polo seu amor incondicional á nosa cidade.

En canto a selección feminina, lamentamos a ausencia de xogadoras galegas, a pesar do bo momento de María Sanjurjo, a nosa campiona do mundo, quen terá que agardar ata a próxima oportunidade.