InicioECONOMÍAProtección social e emprego, prioridades da Deputación nos orzamentos de 2023

Protección social e emprego, prioridades da Deputación nos orzamentos de 2023

Publicada o

Por europapress

Deputación da Coruña terá o próximo ano un orzamento de 207,2 millónsun 9,4 % máis que este exercicio, cunha xestión centrada na protección social, o emprego ou a loita contra o despoboamento no rural.

Así o informaron o presidente provincial, Valentín González Formoso, xunto aos deputados de Economía e Facenda, Antonio Leira, e de Igualdade, María Muiño, que presentaron unhas contas que se someterán a aprobación no pleno do venres, día 25.

“Son os orzamentos máis altos da historia da Deputación e teñen como prioridades a creación de emprego e actividade económica na provincia, o reforzo dos programas sociais e a loita contra o abandono do rural”, manifestou González Formoso sobre un orzamento que será o último do mandato.

“Esta institución serve de contrapunto a outra forma de gobernar”, dixo en alusión á Xunta, cuxa política que considerou que non está “apegada á realidade”. “Priorizando baixadas de impostos aos máis ricos ou prescindindo de elementos como o ‘Cartón Básico'”, citou, entre outros exemplos.

Fronte a iso, asegurou que a Deputación aposta por “liñas que lle importan á xente”. Entre outras cuestións, apuntou á creación de 5.000 postos de traballo a través do plan de emprego local ou a creación de 2.062 empresas.

ORZAMENTOS “EXPANSIVOS”

“Son uns orzamentos ambiciosos e expansivos con incrementos en cada área da deputación provincial“, expuxo, á súa vez, María Muiño, quen destacou a “cooperación” cos concellos da provincia.

Das distintas partidas, o deputado Antonio Leira resaltou, á súa vez, que os consistorios a partir do 1 de xaneiro “poidan saber a partida que van ter por parte da deputación provincial”.

Das distintas consignadas, o Plan Único, cunha contía inicial de 47 millóns de euros, volverá ser o principal programa de investimentos. A área social (22,8 millóns); emprego (12,9 millóns) e as obras en estradas provinciais (19,4 millóns) destacan entre as principais partidas dos orzamentos.

ÚLTIMAS

Testemuñas da agresión a Samuel Luiz confirman que viron “a unha persoa recibindo patadas e golpes”

Unha testemuña do xuízo pola malleira mortal a Samuel Luiz -- ocorrida na madrugada...

Denuncian a Repsol por vulneración do dereito fundamental á folga do persoal de Navec

O pasado 18 de outubro os traballadores de mantemento da refinería de Repsol da...

Pregúntanlle ao Concello pola situación do persoal do IMCE

Dende hai máis de 30 anos, as persoas traballadoras do IMCE sofren o paso...

“Rosas do meu xardín”. Unha visita á exposición de Nick Knight

O pasado venres asistín á inauguración da exposición “Roses from my garden” de Nick...