InicioSUCESOSCondenados a multas de 300 a 1.350 euros 75 acusados da liorta...

Condenados a multas de 300 a 1.350 euros 75 acusados da liorta en que morreu o afeccionado do Depor Francisco Romeu, ‘Jimmy’

Publicada o

Por monchomarino

O Xulgado do Penal número 23 de Madrid sentenciou a multas de entre 300 e 1.350 euros a 75 acusados de participar en 2014 na capital nunha pelexa entre ultras do Deportivo da Coruña e do Atlético de Madrid, na que morreu no Manzanares un seguidor coruñés, Francisco Javier Romeu, alias ‘Jimmy’.

No fallo xudicial, ao que tivo acceso Europa Press, o maxistrado Juan Antonio Toro Peña condena a 75 persoas por un delito de lesións en rifa tumultuaria e a dúas deles tamén por atentado e lesións a unha policía nacional á multa de 900 euros e a indemnizar á axente con 4.500 euros máis as costas e intereses. A outros 7 absólveos do delito de rifa e a 10 de tenencia ilícita de armas.

O xuízo pola multitudinaria pelexa nos arredores do río Manzanares arrincou o 1 de decembro en diferentes sedes xudiciais, entre elas Madrid, A Coruña e Xixón, para evitar choques entre os grupos radicais. Setenta dos acusados recoñeceron os feitos para beneficiarse de atenuantes.

O fiscal e as partes pecharon un acordo cuxas negociacións levaban en marcha desde semanas atrás, segundo detallaron a Europa Press fontes xurídicas. A rebaixa substanciosa das penas débese a que concorre en todos os acusados a atenuante de dilacións indebidas polo atraso na tramitación do procedemento.

A MORTE DE JIMMY

No transcurso da multitudinaria liorta, algunhas persoas tiraron un seareiro do Depor coñecido como ‘Jimmy’ malferido ao río Manzanares. O homicidio investigouse durante anos pero finalmente o caso quedou arquivado por falta de autor coñecido sen que ninguén chegase a xuízo. No entanto, a Audiencia de Madrid terá a última palabra respecto diso.

O fiscal relata que os acusados se concertaron nas redes sociais para acudir ás 09.00 horas aos arredores do estadio Vicente Calderón coa “única motivación de demostrar ao outro grupo a primacía do seu equipo e da ideoloxía coa que se identifica”.

Algúns deles portaban “armas prohibidas e instrumentos perigosos como paus de madeira, de aluminio, porras, bates de béisbol, navallas, mosquetones, defensas extensibles“. Como consecuencia da liorta, varios resultaron feridos e un deles, ‘Jimmy’, faleceu.

Doutra banda, a liga Nacional de Fútbol Profesional, que actuou de acusación neste caso, pediu para os acusados ata tres anos e medio de cárcere e multas de ata 117.000 euros, segundo consta no auto de apertura de xuízo oral.

ÚLTIMAS

Morre un home na praia do Orzán, menos dun día despois doutro falecido en Riazor

Un home perdeu a vida na mañá deste mércores na praia do Orzán, na...

A concesionaria do servizo de lixo da Coruña comeza a aplicar man dura contra os folguistas

A concesionaria do servizo de recollida de lixo da Coruña, Prezero, comunicou 29 sancións graves este...

O 4 de marzo, martes de Entroido, e o 24 de xuño, San Xoán, serán festivos na Coruña en 2025

O Concello da Coruña decretou que o 4 de marzo, martes de Entroido, e o 24...

Mariscadores do Burgo secundan unha nova concentración á espera dunha solución ás axudas que reclaman

Membros da Confraría de Pescadores da Coruña mobilizáronse, este mércores ante a Delegación do Goberno, para esixir...