Bombeiros da Coruña desprazáronse esta madrugada a unha vivenda do barrio de Eirís na que se produciu un incendio e onde foi atendido un home. Segundo informa o Corpo de Bombeiros en redes sociais, o incendio declarouse nunha casa da rúa Camiño da Regueira, en Eirís, pasadas o tres da madrugada.
En concreto, o lume produciuse na segunda planta dunha vivenda unifamiliar. Ao lugar desprazáronse efectivos policiais e tamén unha ambulancia do 061, que atendeu a un home de 48 anos, ao que se lle deu a alta voluntaria, precisaron desde o servizo de urxencias sanitarias.
