O percorrido e desenvolvemento do fútbol feminino coruñés nos últimos 15 anos é digno de mención.

Logo de vivir na escuridade dende o ano 1988 cando desaparecera o mítico equipo do Karbo houbo que esperar ata o 2007 para que dous históricos da nosa cidade coma o Orzán e o Galicia Gaiteira deran o paso para recuperar o legado que marcara no mapa do fútbol feminino nacional a cidade na que ningúen é forasteiro.

O nacemento e eclosión do Dépor Abanca colocou a guinda para espertar o interese do gran público e a prensa e acercar as máis cativas a súas novas estrelas con sangue galego.

E por fin as nenas da Coruña querían ser futbolistas.
E outras rapazas querían ser árbitras.
E as súas familias e coñecidos querían estar nas gradas o carón delas.

Torneos internacionais, partidos con miles de afeccionados nas bancadas, xogadoras internacionais, a mellor canteira de futbolistas da terra… un presente esperanzador pero cun futuro que precisa de coidados e traballo. Moito traballo.

Na actualidade podemos presumir dunha Coruña que ama e disfruta co fútbol sen ningún xénero de dúbidas.

• Manu Sánchez, Adestrador Nacional de Fútbol, ex adestrador do Orzán e do RC Deportivo Abanca. Alma do FUTFEM coruñés.